鹹趣濠江：最後也風光

講起清平戲院嘅威水史，啲老街坊話真係數之不盡，除咗救番福隆新街一帶嘅新填海區，由無人問津嘅鬼域變為繁榮娼盛嘅不夜城，已經夠晒傳奇，之後名伶老倌接踵而至，將廣東大戲由戲棚走入劇院演出，絕對可以記一功，而同時每有大事發生，籌款義演、動員救災等活動，清平戲院都出過吓力，最為人記得就係1911年，孫中山先生見革命快將成功，於是呼籲澳門同胞一齊喺清平戲院舉行剪辮大會，迎接民國成立，亦成為一時佳話。