有去過澳門夜場玩嘅朋友，一定知道佢哋面積大、房間多，布局猶如八陣圖，入去時有專人帶路，但要你自己走番出嚟，裏面九曲十三彎咁，真係唔係容易，萬一真係遇上乜嘢事嚟，衝出房後唔知走左定右嚟逃生，你都咪話唔得人驚！有朋友就話，房間除咗我，仲有囡囡喺身邊，一於跟住佢走就萬無一失，大家千祈咪咁老定，因為好多囡囡都係初嚟甫到，自己走走吓都會迷路，就算做咗一段日子，佢哋亦只識得房間同小姐房嘅方向，要佢哋走出大門口或逃生門，佢哋九成都唔識，所以靠人不如靠自己。其實當地法例規定，每間房內都會展示一張逃生平面圖，你只要找出自己所在位置，圖上就會話畀你知最近嘅逃生出口，得閒時睇睇，心裏有數，有起事嚟都唔使咁慌張啦！