AV達人：上原亞衣吐氣揚眉

亞衣冇得頂

日本最大型AV銷售網站DMM，為咗表揚AV女優對AV界以及其業績嘅貢獻，特別舉辦DMM Adult Award頒獎禮，由網站嘅銷售數據、客戶評分，再加埋網友投票，選出各獎項嘅得主，而頒獎禮已於4月24日，假原宿宴會場館SHIBUYA-AX舉行。當日盛況空前，一眾業界人士以及AV迷都在場見證各獎項得主誕生，最特別嘅係大會邀請到早前證實患上卵巢癌、現在處於康復階段嘅一代AV天后麻美由真擔任司儀，大會為彰顯麻美為AV界付出嘅努力，更頒發一個特別成就獎畀佢，麻美獲獎時亦不禁眼淚直流，場面感人。至於頒獎禮中最注目獎項──最優秀女優白金獎，就由上年作品總銷量名列第一嘅E奶美人兒上原亞衣奪得喇！

茉莉奈實力強

呢個獎項對於亞衣嚟講相當重要，因為佢早前於Sky PerfecTV成人放送大賞當中，亦獲提名角逐最優秀女優，最後輸咗如日方中嘅波多野結衣，今次獲獎可謂吐氣揚眉威番次！至於其他獎項方面，最優秀女優金獎就由人氣高企嘅F奶虎牙妹彩美旬果奪得。另外，G奶人妻白石茉莉奈早前喺Sky PerfecTV成人放送大賞獲得最優秀新人獎，今次再贏得相同獎項，強勁實力再一次得到證明，認真巴閉！貴為天后嘅吉澤明步以及明日花綺羅就雙雙獲得話題獎。至於最優秀作品獎就分為「通販部門」、「配信部門」以及「出甜部門」三個獎項，分別由《橘梨紗 AV Debut》、《絕對的美少女，出租 ACT.32 鈴村愛里》以及《新人No.1 Style明星候補生 緒川里緒》獲得。

撰文：賢