過年過節通常都見到舞龍舞獅，而舞動龍獅嘅師傅咁好身手固然有型有款，但係負責打鼓嘅鼓手一樣雄風攝人，每次揮動鼓棍都係力的表現。而喺日本則有唔少女鼓手，佢哋打鼓一樣打得虎虎生猛，而且仲相當省鏡，好似櫻Lily就係一名鼓壇索女喇！
日本水着界有唔少女優都鍾意兼職做埋歌手，當中更有部分對音樂極有研究，更擅長演奏樂器，好似柴小聖就長笛短笛都一樣吹得咁好喇。除咗佢之外，櫻Lily同樣表演出色，佢玩嘅更係重型樂器──日本傳統太鼓。今年27歲嘅Lily青春活潑又甜美，一雙水汪汪嘅眼睛充滿稚氣同天真，望上去仲覺得佢楚楚可憐，係男人都想攬實佢好好呵護一番。身高5呎嘅Lily細粒纖巧，但呢個妹妹仔卻絕對唔係貧乳妹，因為佢上圍有成35吋，胸前嘅F-cup美巨乳斤両十足。阿妹個胸咁大，唔知會唔會阻住佢發展呢？乜喺水着界發展唔係胸大有着數咩？其實，阿妹除咗拍水着寫真，仲有從事另一種職業，就係打鼓喇！
Lily表示自己讀小學嘅時候，某次參加課外活動睇到太鼓表演，自此就產生濃厚興趣。到阿妹14歲嘅時候，仲特別參加出生地東京都嘅太鼓團體，現時佢更係知名太鼓樂團「破邪」嘅成員添。Lily對太鼓結下不解之緣，經常以偶像派鼓手嘅身份四圍演出，仲時常編寫太鼓樂譜，而佢精通嘅仲包括長桐太鼓、桶桐太鼓、盆太鼓以及大太鼓。2011年憑住其出色鼓技而勇奪第9屆盆太鼓日本競賽冠軍添。阿妹打太鼓打到上晒位，加上本身靚女兼夾好身材，所以吸引到藝能界向佢招手，招攬佢拍水着寫真以及演出綜藝節目如《上帝舌肉》等。現時Lily就同寫真偶像奈奈美以及朱音組成太鼓偶像組合「東京美少女太鼓」四圍演出，仲定時去到歌舞伎町嘅ROBOT餐廳表演及教人打太鼓，為鼓壇出一分力。
櫻Lily每日嘅生活幾乎都同太鼓有關，想對太鼓以及Lily嘅生活有更深了解，大可以Click上阿妹嘅博客。
網址：http://ameblo.jp/sakuralily/
年齡：27歲
身高：5呎
三圍：35F-24-34
撰文：賢