模影模蹤：菅原梨央 家鄉放艷光

青春無敵

日本樂壇有唔少美少女組合，而呢類組合所招募嘅女仔，都以年輕美女為主，部分更加後生到未滿18歲，好似AKB48以及早安少女組咁，有唔少成員都只得14歲，而女子組合「t.c.princess」嘅成員菅原梨央同樣都係14歲就出道成為歌手。現年18歲嘅梨央妹認真係卜卜脆，稚氣未消，可愛又充滿陽光氣息，每當佢面露歡顏都散發出一股令男人無法抗拒嘅天真純潔，如果大家有睇過阿妹拍嘅照片，仲會發現佢動作多多，一舉手一投足都凸顯其活力十足嘅特質。由於梨央佢青春無敵，所以即使身為歌手亦不忘展露驕人身段，將其雪白鮮嫩嘅33-23-33曲線身形配合性感泳裝，綻放健康又性感嘅攝人光芒。大家唔好睇梨央咁後生就以為佢思想幼稚，其實仲比起好多人都識諗。

留宮建設

2009年梨央就被事務所負責人喺宮城縣仙台市發掘，成為女子組合t.c.princess嘅成員，並且被安排做呢個四人組合嘅副隊長。梨央自此就同班姊妹一齊四圍唱歌，以其青春活力迷倒萬千歌迷。同其他女子組合唔同，梨央等人並非以進軍東京為目標，而係繼續扎根於出生地宮城縣，以其青春艷光以及歌藝娛樂當地市民，據聞佢哋嘅首本名曲《青葉城情歌》更加唱到宮城縣街知巷聞添。梨央成功打響名堂，得到當地人支持，仲因為當年2011年日本311大地震震央就係位於仙台市，而梨央屋企亦受到破壞，但係佢冇學其他人咁搬走，反而決定留於家鄉，令鄉親大為感動。所以，宮城縣警署同紅十字會亦希望藉其影響力，分別邀請梨央擔任「自行車利用禮儀提高大使」以及「宮城縣紅十字血液中心Teen's捐血大使」，以幫助推廣。

個人博客

菅原梨央會定期將自己工作及生活上所拍低嘅相片，加埋實況透過博客發表，想緊貼梨央嘅動態就要密切留意其博客喇。

網址：http://ameblo.jp/iris-moradoll-rio/

菅原梨央Profile

年齡：18歲

身高：5呎4吋

三圍：33-23-33

撰文：賢