渡海濠情：分享男友 難以接受
美國新澤西州有對27歲嘅孖生姊妹，由於妹妹較早前失戀，搞到情緒十分低落，於是姊姊提出與妹妹共享自己嘅男朋友，妹妹竟然一口答應，決定三個人一齊生活，而嚟自利澳水療嘅靚女秀秀就話，自己一定接受唔到！
暗施橫手
秀秀話：「男朋友點可以同人分享，就算親如姊妹都唔可以，記得以前啱啱出嚟做嘢嘅時候，由於人靚身材好，所以特別多人追，經常帶啲高質男朋友出嚟畀啲哎吔姊妹睇吓，佢哋個個見到都流晒口水，仲求我分幾個畀佢哋，但呢啲嘢點可以分，於是一一拒絕，之後佢哋更出橫手，想暗中撬我牆腳，好彩我對管教男朋友特別有一手，所以佢哋都唔敢一腳踏兩船，而且第一時間向我報案，話我啲姊妹不斷約佢出街，你話佢哋係咪過分吖？」
筍盤太多
鬼叫你咁多筍盤喺手，又唔怪得人心思思嘅！秀秀話：「就因為太多筍盤，所以啲姊妹最後竟玩爆陰毒，話畀我班男朋友知，係我花心一腳踏幾船，最後搞到全軍覆沒，所以從此之後，我識到乜嘢男朋友都好，都唔會騷畀啲姊妹睇，免得佢哋眼見心謀，見面都唔可以，大家共同生活就更加唔得，記得以前初入社會時，係同啲姊妹合租單位嚟住，但有咗男朋友之後就只能夠一個人住，否則男朋友一上嚟曝咗光，多多都會畀佢哋搶走，真係不可不防呀！」
秀秀Profile
年齡：21歲
三圍：34-24-34
撰文：小德
攝影：阿德