為咗維護打工仔同業嘅利益，於是有員工協會出現，將打工仔組織起嚟。最近，日本AV界亦成立男優協會，目的唔單止係保護業界人士，仲為咗貢獻社會添！
男人睇AV，多數都係欣賞AV女優嘅身材、樣貌、性技，以及激戰時展現出嘅興奮表情，至於小弟會同時欣賞埋男優，參考佢哋嘅性技。其實，AV之所以好睇，男優們的確功不可沒！早前有消息話，日本職業AV男優為數唔多，現時約為70多人，然而日本每年推出過千部AV作品，當中男優要出盡力同一個或以上女優力戰，體力消耗相當大。再者，現時好多作品都要打真軍上陣，喺冇做足安全措施情況下，中招機會自然高。為咗維護男優嘅利益，最近成立日本AV男優協會（JPAA），經由發起人兼知名AV男優森林原人嘅努力下，加入協會嘅男優多達52人，即係話業界大部分男優都有參加，陣容強勁！
JPAA成立嘅目的係希望將男女優染上性病嘅風險減至最低，注重性病檢測，改善業界嘅衞生環境，繼而作出為社會杜絕性病嘅偉大貢獻。而JPAA嘅成員有3大義務要遵守，第一係最少每個月做一次性病檢查；第二係要監督新加盟會員嘅身體健康狀況，嚴格督促佢哋做性病檢查以及審視結果；第三係致力宣揚預防性病嘅知識。
JPAA嘅各個職位已經選定，由已退休嘅重量級熟女殺手田淵正浩擔任會長，超人氣截圖「很想要吧？」嘅猥褻系男優吉村卓同色斑妍則擔任副會長，至於發起人森林原人以及野島誠就係協會中嘅性病檢查結果管理人。之不過，JPAA成立不久就蒙上污點，會員之一嘅澤井亮早前因為涉嫌勾搭未成年少女，結果被警方檢控，於是JPAA即刻將佢踢出協會，免被拖累。
撰文：賢