巴打些牙:瑞典青年愛睇鹹片

小弟讀中三時開始睇日本AV,之不過當時未有「四樓有四仔」,屋企又冇電腦,就算有電腦亦冇得上網,所以睇AV亦只限於同學之間互相交換鹹碟嚟睇。家陣大家睇鹹片就方便得多,可能亦因為咁,好多青少年養成睇鹹片嘅習慣。最近瑞典烏普薩拉大學進行一項有關當地青少年睇鹹片嘅調查,佢哋搵咗超過800名就讀高中嘅男女學生做問卷,年齡平均為16歲,結果發現,絕大部分男生以及超過半數女生都曾經睇過鹹片,9成男仔以及3成女仔有睇鹹片嘅習慣,而有1成男仔更係每日都會睇鹹片添!睇嚟瑞典嘅鹹片文化都幾普及喎!

撰文:賢