細個嘅時候成日都聽見阿媽叫我讀多啲書，但總係聽唔入耳，仲成日偷懶，最後咪搞到做唔到律師、醫生呢類理想職業囉。不過，話時話，做唔到都唔緊要，現時憑自己嘅努力，一樣兩餐無憂，生活愉快，而上間美緒雖然亦屬低學歷女優，但同樣係憑努力而打出一片天。
日本水着女優好多都係好年輕就出道，當時可能只係讀緊高中，甚至係初中，佢哋就係憑住青春嫩口又好身材，而吸引一眾水着迷支持，好似原幹惠、杉本有美、篠崎愛等人氣水着妹，都係高中畢業而已，而上間美緒更加高中未畢業添。當然，你會話女子無才便是德，做水着妹更加唔使有才，靠美貌靠身材自然有機會上位啦！事實上咁講就錯，好似上間美緒就成日畀人笑話佢未讀過大學喇。今年21歲嘅美緒青春嫩口，可愛到暈，面上散發住令宅男為之瘋狂嘅濃厚萌系魅力。阿妹佢笑起上嚟清新可人，猶如一道難得嘅清泉令人有種煥然一新嘅感覺。通常咁可愛嘅女仔，身材亦唔會太激凸，屬於小巧型嘅美緒亦一樣，身高只有5呎，三圍只得32-23-32，但係好在阿妹上圍嘅C奶夠睇頭，為美緒扳回不少分數。
初出道嘅時候，上間美緒以上間凜子嘅藝名活動，後來才改用現有藝名，而佢成為水着女優嘅契機就係參加由周刊少年Jump主辦嘅選美活動「Gal Con 2009」，仲奪得冠軍添。得獎之後，美緒就好似一朝飛上枝頭變鳳凰一樣，更加決定連高中都唔讀，由博多老家移居到東京發展其藝能事業。之不過，阿妹高中未畢業嘅低學歷資格就曾成為其發展障礙，因為不時有傳媒以此取笑美緒連高中都唔讀埋，一心發明星夢。同時，事務所亦向佢表示，咁低學歷好難安排佢擔任電視節目嘅資訊性節目主持，全因觀眾會覺得佢講話冇說服力。幸好，美緒並冇因此而氣餒，反而將自己甜美嘅可愛魅力發揮，兼且努力磨練演技，所以近年大家有睇日本電視劇，如《一休和尚2》、《都市傳說之女 Part 2》又或者《死神》都可以見到美緒嘅精彩演出。
上間美緒係倉鼠愛好者，不時會將自己同所養倉鼠嘅生活點滴於博客透露，如果大家都有養倉鼠，不妨上去睇吓美緒有咩飼養心得。
網址：http://ameblo.jp/uema-mio/
年齡：21歲
身高：5呎
三圍：32C-23-32
撰文：賢