近年日本AV女優愈來愈鍾意向外發展，例如蒼井空長駐內地搵銀、波多野結衣早前去台灣出席不同活動。至於未能到外地發展嘅女優亦唔怕冇出位機會，最近紗倉真菜及小島麻奈美呢兩位小淫娃就組成「乙女Frappuccino」殺入樂壇搵食喇！
正所謂同行如敵國，但係日本AV女優之間就好少傳出不和事件，唔少仲感情要好，好似早前麻美由真患上卵巢癌，遠在內地嘅蒼井空就即時喺微博祝福麻美早日康復，更表示要守護麻美，姊妹情深實在令人感動。除咗佢哋之外，日本AV界仲有一對好姊妹，就係近年當紮嘅小淫娃紗倉真菜同小島麻奈美喇！佢哋曾經一齊主持網絡電視節目《旅行裸體》，每集都去到不同地方肉帛相見，及後被所屬嘅AV廠SOD同Alice Japan特別安排破天荒嘅女優交換計劃。近日，呢對姊妹組成小淫娃女子組合「乙女Frappuccino」進軍樂壇，而佢哋收錄首支歌曲《從後面微前面開始》嘅細碟已經推出。
為咗宣傳，兩女喺出碟前一日去到秋葉原一所小型會所，同粉絲見面兼且演唱新歌。從當日佢哋嘅打扮同歌曲旋律嚟睇，組合係走80年代懷舊風格，歌曲仲用上電子舞曲添。而真菜同麻奈美表演嘅時候相當活潑，打扮頗為性感，好明顯係話畀大家知會為樂壇大灑鹽花，難怪令現場樂迷睇到興奮大叫。其實近年日本AV女優組成樂壇組合屢見不鮮，最出名嘅當然係惠比壽麝香葡萄啦，此外亦有BRW108，以及由北川瞳、周防雪子等5個女優組成嘅Pinkey，另外仲有新鮮出爐最優秀女優波多野結衣以及成瀨心美等女優組成嘅me-me。「乙女Frappuccino」得兩個女優係就係少啲，但係真菜同麻奈美都人氣強勁，相信可以同班師姐鬥一番。
撰文：賢