一般外拍模特兒，不少龍友都會把拍攝焦點放喺囡囡嘅事業線上，但台灣嘅龍友，卻喜歡把焦點放喺長腿上，就好似今日介紹嘅靚女簡曉育，佢嘅長腿照就一街都係！
現時27歲嘅簡曉育，大約出道六年，頭幾年都係做外拍模特兒，所以作品唔少，但全都係以長腿做焦點嘅性感寫真，家陣網上仲流傳嘅都超過幾百張。佢話當年仲喺大仁科技大學讀書，由於修讀同表演藝術有關嘅科目，所以未畢業就已經大把工作找上門，當時以玩票性質接拍，所以一啲壓力都冇，當畢業後決定全身投入模特兒工作時，壓力就開始出現，由於冇簽經理人，所以接工作同埋收錢都要靠自己，辛苦係辛苦好多，但冇咗中間一層剝削，搵幾多自己就可以使幾多，同時可以更直接了解客戶要求，將每件工作都做到最好。
到咗2009年左右，簡曉育開始被更多人賞識，出現各大展覽會同埋平面雜誌，其中為某大內衣品牌拍咗輯超性感寫真，更令佢一戰成名，人氣大增，之後更被當地男士雜誌選為十大Super Girl之一。由於開始薄有名氣，近年除咗忙於模特兒工作外，仲走入電視台出席大大小小綜藝節目，有時仲做埋助理主持，最近仲做埋演員，喺當地拍攝嘅清裝劇擔任其中一個角色添！雖然簡曉育涉足咁多範疇，但對平面模特兒工作，仍然樂此不疲，不時都會有新嘅寫真推出，以滿足一貫對佢熱烈支持嘅粉絲。
簡介：簡曉育嘅性感長腿照一街都係，但近照就好少曝光，唯獨喺佢嘅官網內就有齊，工作時嘅花絮同自拍照都好正，少啲定力都頂佢唔住！
網址：www.facebook.com/pages/簡曉育-Vicni/144985082199206
出生地：台灣
三圍：33-24-34
身高：168cm
撰文：龍四海