女性嘅胸部的確每每令男人睇到目不轉睛，因此好多女星、o靚模都唔介意露半球嚟增加曝光率，電影、廣告等商業項目以呢招增加銷售額，更加係樂此不疲。其實，大家又有冇諗過，胸部已經被人濫用，而且唔應該被過分商業化呢？我深以為然，所以絕對贊成加拿大23歲模特兒Serenity Hart嘅做法。Serenity Hart早前喺多倫多街頭半裸上身，宣傳即將於5月10日舉行嘅活動「Topless Tour de Canada」，阿妹表示現時實在太多人將女人胸部濫用做商業行為，亦太多人用奇異眼光去看待女性嘅胴體，為咗向大家反映呢個訊息，佢去到加國18個大城市袒胸露背宣傳，仲會帶埋攝影師拍攝紀錄片同影相添！