渡海濠情：優質男人 長遠投資
濟南有個年輕人因為冇錢買樓，被拍拖八年嘅女友飛咗佢，之後相親十三次，每次一談到冇住房對方就走夾唔抖，年輕人忍唔住喺大街掛橫額表示不滿，而嚟自帝濠桑拿嘅小琳就話，如果佢真係好愛我，有冇樓都唔緊要！
齊齊買樓
小琳話：「我覺得揀老公有冇樓或者有冇錢，真係唔係好重要，最緊要就係佢究竟有幾愛你，肯唔肯將賺番嚟嘅錢畀晒你，呢個先至最重要！因為好多男人賺到錢，但唔畀你用，咁佢搵到錢又有乜嘢用？同樣，佢有樓但唔寫你名，咁又有乜意思？所以搵男友或者老公，我寧願揀啲家陣冇錢嘅，但佢搵番嚟嘅一分一毫都畀晒你，同佢捱一段日子就齊齊買樓，層樓有我嘅名咁至有用！」
自動奉獻
咁又啱喎！做人不妨睇長遠啲！小琳話：「當然，唔係人人都會發達，所以我揀男朋友要揀一啲優質嘅，有長遠投資價值嘅，先好長期持有，但最好係揀啲佢有搵錢嘅能力，但冇管錢能力嘅男人，大家喺埋一齊，佢就開始搵幾多錢都全部交晒畀你管，咁呢啲男人就最好，最後可能都冇發達，但佢一生所畀你嘅錢，加加埋埋都一定唔會少，你話呢啲男人係咪最好呢？」
小琳Profile
年齡：21歲
三圍：35-24-35
撰文：小德
攝影：阿昌