影壇有唔少藝人都係由童星做起，好多觀眾睇住佢哋由細細個拍戲拍到大。而英國一代艷星珍妮艾格特（Jenny Agutter）亦一樣係由童星做起，觀眾們仲睇住佢愈着愈少，愈露愈多添！
日本AV界有唔少女優都做過童星拍廣告，甚至拍過戲，好似赤西涼以及近期出道嘅佐佐木玲奈就係兩個好例子喇。而佢哋兩個登陸AV界嘅消息往往為日本AV界，甚至社會帶來震撼。而呢類情況喺外國影圈亦成日發生，好似珍妮艾格特咁初初踏足演藝界嘅時候亦係一位童星。珍妮艾格特喺1952年於英國薩默塞特郡出生，佢阿爸係英國陸軍軍官，而阿媽就係一位娛樂策劃人。阿爸因為工作關係，曾經帶住老婆同珍妮去到塞浦路斯以及馬來西亞居住，後來再返英國定居。珍妮讀小學嘅時候就被送到艾姆赫斯特芭蕾舞學校讀書兼學習跳舞。某日，一個星探去到學校見到珍妮青春活潑又可愛，仲舞得出色，於是就搵佢演出電影《東蘇丹》，自此珍妮就開始其演藝生涯喇。
珍妮嘅演技隨年月進步，幫佢爭取到演出電視劇《The Railway Children》嘅機會，後來更加工作不斷，更贏得唔少獎項，包括憑住電視劇《The Snow Goose》贏得艾美獎最佳女配角。珍妮進軍荷里活之後，拍攝嘅電影唔少，由於佢氣質清純文靜，所以多數都係扮演弱質纖纖嘅少女，而佢喺電影當中嘅柔弱同惹人遐想嘅打扮俱獲得大眾讚賞，仲稱佢為「完美幻想素材」。珍妮眾多成年之後拍攝嘅電影當中，性感演出唔少，知名嘅有《美國狼人2》，不過去得最盡嘅都係《Equus》。喺此作當中，珍妮同年輕小伙子於斗室纏綿，二人肉帛相見，更係三點盡露，前前後後都畀大家睇清睇楚，配合雙方細膩嘅「互動」，可觀性相當高！由此亦令珍妮成為一代艷星，仲係相當有善心嘅艷星，因為佢係不少慈善機構嘅主要贊助人，2012年珍妮仲獲頒大英帝國勳章。
撰文：賢