每次提到M字，總覺得係同男人有關，皆因Man同Male都係指男性，就連M字額都好似只係出現喺男人身上。不過喺浩瀚無邊嘅情慾字海中，M又點會只係男人嘅世界？當中唔少字詞都同女士有莫大嘅關係呀！
Manwich喺英文中可以解作Man-sized Sandwiches，即係好大件嘅三文治，只係用喺情慾世界中，Manwich則變成一種非同凡響嘅床上活動，佢就係情慾三文治，亦即係一種三人齊玩嘅人疊人床上體位。可能有人會話，情慾三文治可以係兩女一男，又可以係兩男一女，咁Manwich係指邊一種呢？Manwich主要係指後者，亦即係兩男夾住一女嘅玩法，而呢種動作，我哋就稱佢做Manwich嘞！
Masturbation既係一個學術名詞，亦係一個玩樂詞語，皆因佢解作自娛，亦即係男女透過雙手、震蛋或按摩器等嘅情趣玩具嚟刺激重要部位，從而達到性高潮。雖然坊間對自娛對身體嘅影響已經有多年嘅討論，但其實自娛同樣可以好有趣，唔講唔知有人曾因自娛而創下健力士世界紀錄，佢就係Horst Schultz。呢位仁兄擁有爆射得最高同最高速嘅世界紀錄，據紀錄顯示佢可以將精液射到3.76米高，而射精速度可達到時速68.7公里，與此同時射距更係遠達6米，果真夠晒誇張！
唔少人以為稱得上四仔經典，推出時間一定要有番咁上下年份至得，其實講到經典之作唔使吓吓要出咗幾十年，好似呢套喺2002年推出，由人氣脫星Gauge擔正演出嘅《My Plaything - Gauge》，就被美國四仔影評界評為百套必睇嘅四仔之一。演出呢套作品時，Gauge正值22歲芳華正茂之齡，擁有一對巨乳同索樣嘅佢自然睇頭十足，而呢套作品更運用咗首創嘅互動技術，四仔迷可以透過遙控選取片中唔同嘅選項，指示Gauge轉換唔同嘅體位、換上唔同嘅衫同作出唔同嘅反應。呢種玩法不論當年或現在，對四仔作品嚟講都係種好大膽又創新嘅嘗試。
正所謂四十而不惑，五十而知天命，人生活到五十真係幾難，而原名Marie Louise Hartman嘅美國著名脫星Nina Hartley，不但55歲仍喺脫星界打滾，更係現役脫星中最年長者！1959年3月11日出生嘅佢擁有註冊護士資格，只係佢並無從事護理工作，反而喺1982年開始從事脫衣舞表演，並喺1984年以Nina Hartley為藝名拍下處女四仔作《Educating Nina》。憑住出眾嘅外形及身材，Nina嘅片約同人氣與日俱增，更先後喺AVN頒獎禮中獲得最佳女演員（1987年）、最佳女配角（1989年）、最佳男女床戰（1987年及1989年）等多個獎項，又喺1994年被選入情色傳奇名人堂。及至今時今日，Nina以熟女脫星形象活躍於四仔界，並喺去年XBIZ頒獎禮中成為最佳熟女候選人之一。
網址：www.nina.com
未聽過Media Station？咁宇宙企劃又聽過未呢？創立於1981年嘅宇宙企劃，係日本首家成立嘅成人影視生產商。其實佢嘅前身係間成人雜誌社，佢哋睇準成人錄影帶發展潛力，於是改革拍AV，而佢喺1983年推出嘅日本美少女系列「美少女本番」，不但成為招牌作品，更掀起AV界嘅美少女風潮。當年佢旗下美少女多不勝數，分別有早川愛美、秋元友美、田所裕美子等。及至1989年，宇宙企劃將AV製作業務轉到旗下Bazooka公司，並喺1990年11月改名為Media Station。只係面對同行激烈嘅競爭，宇宙企劃逐漸沒落，旗下女優愈嚟愈少，至今佢已將AV發行轉移到掌有KMP同Realworks嘅CCC集團之下，聲勢已經大不如前。
對於有一定年資嘅AV迷嚟講，一定聽過村上麗奈呢個名。出生於1967年11月25日嘅佢，可以話係日本AV界嘅代表人物。村上喺香港亦極具人氣，事關佢1991年喺香港拍咗兩套賣座三級片，分別係《玉蒲團之偷情寶鑑》同《我為卿狂》。前者以1,845萬票房創下驚人紀錄，成為十大賣座電影之一；後者則成為香港三級片嘅經典。1992年年底，村上宣布引退，同年加盟樂座歌舞團全國巡迴表演脫衣舞更成為台柱。村上於1996年宣布退出歌舞團，兩年之後結婚，從此正式脫離演藝圈。
撰文：魂