美國四仔界脫星眾多，當中有嫩口妹亦有熟女，咁係咪囡囡愈後生愈多人Like呢？事實上又未必喎！網絡上最多人搜尋嘅脫星，竟然係年屆42歲嘅Lisa Ann，果然係薑愈老愈辣！
四仔迷不但現實仲好偏激，只要唔啱口味嘅，即使囡囡免費剝，都唔願睇多鑊！對於美國42歲超熟女Lisa Ann，個人認為佢應該退位，無奈美國四仔迷對Lisa姐情有獨鍾，勁Like呢類熟到爆脫星！據全球數一數二嘅免費色情視頻分享網站Pornhub最近發表嘅調查結果，喺美國主要24個城市中，網友搜尋或瀏覽得最多嘅脫星就係Lisa Ann，仲話美國男人最鍾意邊睇Lisa姐執劑邊自娛喎！另外，調查結果亦得出各城市網友對四仔嘅口味，例如洛杉磯網友鍾意睇按摩題材四仔、巴爾的摩網民最愛卡通四仔，至於紐約人口味最廣泛，黑人白妹黃種、唯美、愉虐乜都啱。
究竟呢個調查結果係點得出嚟？內容又有幾可信呢？根據Pornhub官網表示，今次調查逾年，數據係按新聞網站「digg」而得出，至於剩低嘅2個城市包括壇香山由亞裔妹Alina Li跑出，底特律則最Like大學生脫星Belle Knox，而Lisa姐有咁多人撐，真係唔講得笑，話唔定引退從政都仲得呀！
今次調查結果贏輸都無獎攞，因此造假都無意義，反而讓我哋進一步了解美國四仔迷嘅自娛對象以及四仔口味，至於Lisa姐係咪因此而升價10倍？就不得而知啦！
撰文：祖