瑪麗蓮夢露可以話係歷久不衰嘅性感象徵，其美艷動人嘅形象到今日依然留喺好多男人心目中。其實，對於唔少有番咁上下年紀嘅男人嚟講，仲有第二個夢露令佢哋印象深刻，呢位就係有「新夢露」之稱嘅曼斯菲爾德（Jayne Mansfield）。
曼斯菲爾德1932年於美國賓夕凡尼亞州出生，細細個就經歷喪父之痛，跟住改嫁嘅阿媽。曼斯菲爾德嘅思想相當早熟，據佢所講，15歲就已經唔係處女，後來仲為一對年老夫婦做代母，而為咗遮醜，免被人指罵佢無厘頭大住個肚生活，於是就物色到一個當時仲未夠20歲嘅男仔做老公，行為喺當時都算相當大膽。不過，大家又唔好以為佢有咁嘅行為就代表冇腦喎，佢結婚生仔之後就預見未來演藝圈發展蓬勃，於是走去學舞蹈，仲同老公仔一齊去到加州大學學習音樂、戲劇同現代語言，一心諗住向演藝界大展拳腳。而事實上，曼斯菲爾德唔做明星真係浪費，因為佢生得美艷動人，胸前嘅一對豪乳更加令人震撼，可謂才藝與美色兼備。
1955年，曼斯菲爾德終於搵到初登銀幕嘅機會，就係演出電影《Female Jungle》。後來佢憑住專業嘅演出以及美艷形象而受到賞識，而片商更發覺曼斯菲爾德嘅風韻同當時紅到發紫嘅瑪麗蓮夢露相似，於是特別叫佢染咗一頭金色秀髮，又倣效夢露攝人心神嘅媚態，果然令佢愈來愈紅，仲被稱為新夢露。此外，曼斯菲爾德最令男人瘋狂嘅仲有佢嘅深長乳溝，更成為不少報章雜誌嘅封面人物！佢亦曾講過靠自己嘅乳溝先有今日嘅地位。曼斯菲爾德拍過嘅全裸電影唔少，但係就以《Promises! Promises!》露得最徹底，其豐滿又白滑嘅胴體相信係人睇過都硬晒軚。只可惜，呢位性感女神喺1967年一次車禍中喪生，當時只係34歲，真係天妒紅顏。
撰文：賢