喺香港想搵武林高手，就當然要去武館，而喺日本就要搵道場喇。如果真係要比武就要睇清楚，因為日本道場分好多種，除咗練武嘅，亦有圍棋、比堅尼道場，松下美保就係出身自比堅尼道場喇。
以前阿爺教過我，做乜都要睇清睇楚，同人合作做事亦要手腳乾淨，數目分明，千祈唔好糊糊塗塗咁過人世。做孫仔嘅我雖然不才，但係亦做到一半，每逢欣賞寫真集都會睇清睇楚，終於睇到有近視眼。不過，遇到松下美保就算有近視都唔使怕，因為阿妹五官標致分明，喺日本就被歸類為清楚系女優。22歲嘅美保甜美可人，笑起上嚟可愛清新，收起笑容又顯得成熟深沉，斜眼示人又現出一派狐媚妖冶，相當誘人。誘人嘅仲有身材，阿妹呢副33-23-34嘅胴體又白又滑，屁股圓而飽滿，結實又堅挺，胸前嘅D奶斤両十足，令其身材婀娜又迷人！
松下美保讀緊高中，已被藝能事務所睇中，搵佢拍寫真展露其優美身段，仲特別安排佢參加第一屆「尋找！！Scholagirls」選美比賽，等佢同其他高中美人兒互相比併，最後美保就憑住天生麗質而成功奪冠。美保已經夠優質，再加上天生有冠軍命，兩年之後更喺一個美人如雲嘅道場中稱冠。2010年，日本知名水着雜誌BOMB舉行創刊30周年企劃活動「BOMB比基尼道場」，雖然話係道場，但同其他選美活動無異，同樣係挑選出一大班優質水着美女參加，分別以比堅尼拍片同寫真嚟刺激觀眾眼球，美保就係其中一位，更成功擊敗眾多強勁對手而成為冠軍。自此之後，美保人氣與日俱增，仲畀人發現佢演技甚佳，佢演出嘅電影《妹之彼女 第二章》就備受讚賞，另外主演嘅短編喜劇《魚介類 山岡舞子》亦成為眾多電影節，如夕張市國際幻想電影節嘅參選作品，睇嚟阿妹好快會成為知名女演員喇。
松下美保近年人氣高企，所以特別設立專屬網頁，將其個人動向作綜合性發布，粉絲記住要多多留意喇。
網址：www.office-vivid.info/
年齡：22歲
身高：5呎4吋
三圍：33D-23-34
撰文：賢