隨住智能手機愈來愈普及，低頭族亦愈來愈多，大家無論行街定係乘坐公共交通工具，都會見到男男女女、老老幼幼都喺度埋首玩手機或打機嘅場面。而智能手機除咗影響到現代人嘅日常生活以及頸椎之外，會仲影響到性事！唔信？話說最近一個國際安全套品牌於英國進行一項調查，主題係智能手機對性事嘅影響，結果發現2,000位受訪者當中，有15%試過喺做愛過程當中講電話以及回覆訊息，有5%仲離譜到邊做邊玩facebook！唔怪得有4成受訪者同意智能手機、電腦及互聯網，對於佢哋與愛侶嘅關係有負面影響啦！
撰文：賢