澳吧吧 ：濠江Cafe好享受

每次班老友講起Cafe，內心總會第一時間諗起咖啡。無他嘅，因為好多Cafe都係主打咖啡，只係呢間位於澳門嘅LAX Cafe，雖然有Cafe呢個字，但卻提供相當具有特色嘅啤酒，除咗有大路嘅品牌外，仲有嚟自南韓同埋比利時嘅啤酒，最啱鍾意啤一啤嘅男女。除咗啤酒值得一試外，巴打話佢嘅食物同樣值得推介，事關款式相當多，從意大利薄餅、法國菜、地中海菜，以至西班牙嘅佐酒小食都一應俱全，而且質素同味道都值得一讚。手執啤酒邊享受美食加上舒適嘅環境，叫人點可能唔享受呢？