提起蝦醬，大家一定會想起大澳，但其實澳門嘅蝦醬，風味一啲都唔輸蝕，早廿年前仲係港人過澳門必買嘅手信之一，但近年唔知點解手信舖少咗蝦醬賣？經明查暗訪後發現只係人手製嘅蝦醬生產少咗，佢哋內銷都唔夠供應。馬交蝦醬嘅獨特風味真令人懷念，但前兩日竟畀我喺大富豪桑拿聞到陣陣蝦醬香味，原來廚房大師傅識人，入咗啲正宗人手製蝦醬，當日師傅就用呢啲咁靚嘅蝦醬炮製西蘭花炒鮮魷，呢味餸難度好高，因為兩者受熱嘅程度唔一樣，師傅控制火候要恰到好處，餸菜至會平均吸收蝦醬嘅味道，當時我一咬落口，師傅嘅烹調技巧完全滿足晒我嘅要求，真係令人一試難忘！