一般人都會覺得艷星難登大雅之堂，佢哋之所以喺銀幕上賣弄色情，都係因為冇演技要靠淫穢演出作招徠。呢一點可能只係適用於個別地方，因為外國唔少頂級女星都曾經拍過脫戲，不但演技非凡，更贏得奧斯卡最佳女主角。邊個咁勁？咪就係海倫美雲囉！
海倫美雲（Helen Mirren）1945年於英國倫敦出生，佢嘅祖先據講係顯赫嘅貴族，更曾經協助俄國對抗當年拿破崙入侵添。海倫自小受到父母悉心栽培，並希望佢長大後從事高尚職業。而為咗父母開心，海倫後來入讀教育學院，畢業之後仲做咗三年教師。之但係，海倫在學時期喺參加話劇嘅時候，培養出濃厚嘅演戲興趣，仲覺得做教師係埋沒咗自己嘅演戲天分，於是就說服父母希望做演員，首次擔正演出嘅話劇就係《埃及妖后》。由於佢演技甚佳，好快就得到英國皇家莎士比亞劇團賞識，將其羅致入團，仲促使佢獲得電影界垂青，電影《仲夏夜之夢》就係海倫初踏銀幕時期嘅作品之一喇。
海倫演出電影初期，有不少裸露演出，全裸作品包括《沙灘上的夏娃》，加上愛拍裸體寫真，令佢一度成為艷星代表人物，之後佢拍攝被列為世界十大禁片嘅《羅馬艷情史》，更令其艷星形象深入民心。喺英國劇集《冤家成雙對》當中更有句對白：「見到海倫美雲呢個名，就令人諗起裸露鏡頭。」可見佢嘅代表性有幾強。而眾多裸露作品當中，《情慾色香味》相信係其最豪放嘅一部，雖然當時海倫已經44歲，但係身材一樣保持苗條，胸前嘅純天然美巨乳更令人睇到流晒口水。於片中，海倫同情夫於廁所、廚房、儲物室等做愛都表現自然又能挑動觀眾官能神經，實在值得多次回味。海倫雖然演過咁多情色片，但係絕無阻礙佢嘅演藝事業，喺2007年更憑電影《英女王》當中扮演英女王伊利沙伯二世而奪得第79屆奧斯卡最佳女主角獎項。
撰文：賢