因乜解究男士會動L？咪就係睇到身材玲瓏浮凸嘅索女囉！其實唔單止男士，女士睇見型男時亦會芳心大動，呢啲就叫做異性相吸。不過講到以L為首嘅英文詞語有好多，當中既有專業名詞，亦有玩樂用語，想知道多啲嘅話就要慢慢睇喇！
Lactation Fetish中文解作戀乳癖，係戀物癖嘅一種。據專家解釋，戀乳癖嘅人會對乳房同乳溝有特殊嘅興趣，甚至會對關於胸部嘅衣着，例如胸圍、底衫等產生性衝動同高潮，而呢種反應唔單止限於男性，女性同樣會有戀物癖者。可能會有男士覺得有邊個男人唔鍾意美乳，如果咁睇嘅話，咪即係絕大部分男士都有戀乳癖？大家要搞清楚，戀乳癖同鍾意美乳係唔同嘅，最大嘅分別在於戀乳癖嘅人只係會對胸部產生性趣，並透過接觸胸部或相關物品便能達到高潮，而對女性其他身體部位唔一定有興趣。
好多人以為想喺AV界走紅，一定要有索樣至得，其實只憑前凸後趷嘅身材一樣可以打響名堂，而一之瀨露卡就係一個好例子。雖然露卡個樣係佢嘅弱項，但37H車頭燈同22吋蛇腰，如此魔鬼級數嘅身材，卻為佢贏得極高嘅人氣，更有AV迷稱佢做魔鬼之女！呢位1985年9月4日出生嘅美體女王，亦深知自己煞食嘅地方在於佢副偈，故此喺2011年時便以處女作《害羞的身體初亮相》登場，雖然話係害羞嘅身體，但佢嘅床上功力卻非同小可，配合激烈嘅床上反應，更係令唔少AV迷睇到流晒口水。
有種體位經常見於成人電影，佢就係「六九兩頭勾」，亦即係男女雙方同時透過口部刺激對方嘅重要部位，而呢種體位嘅英文就係Lexis！大家可能覺得奇怪，翻查字典會發現Lexis解作詞彙，同呢種口技體位有乜嘢關係呢？原來羅馬數字中嘅「69」，拼寫方法為「LXIX」，而佢嘅讀音就同Lexis一樣，故此大家便俗稱呢個體位做Lexis。翻查資料，最早明確出現呢個體位嘅記載，係嚟自靠近印度孟買象島聖窟嘅印度教神廟雕塑上，刻有一對直立男女正示範呢個體位。
紐約作為世界首屈一指嘅大都會，夜生活自然精彩過人，而講到脫衣舞俱樂部同樣相當出名，當中尤以呢間Lace Gentlemen's Club更係為人所熟悉。佔地過萬呎，並作為紐約著名嘅無上裝脫衣舞俱樂部嘅佢，唔單止以極富現代感嘅環境令玩家有賓至如歸嘅感覺，火辣又熱情嘅艷舞女郎，身材玲瓏浮凸兼外形夠索，除咗會定時喺舞台上演出鋼管舞外，仲會主動埋男士身表演貼身髀上舞。不過玩家要留意嘅係，每次髀上舞演出，同埋侍應服務都係另外收費。
網址：www.lacenyc.com/
每次講起經典嘅美國四仔，好多人都會諗起七、八十年代嘅作品，其實2000年以後同樣有值得回味嘅經典之作，而呢套由著名四仔導演James Avalon喺2000年12月中推出嘅作品《Les Vampyres》就係其中之一。故事靈感嚟自上世紀初法國同名驚慄作品，變成四仔後故事自然變得更加香艷，尤其係激情場面更係充滿官能享受。故事講述三位背景神秘嘅女郎，每到夜晚就會喺路邊截順風車，然後帶對方到一個神秘嘅莊園曳曳。呢班吸血女魔，喺高潮過後就會吸盡對方嘅血。呢套作品推出後，喺2001年AVN頒獎禮中獲得最佳導演、最佳女子全體性愛及最佳群戰三個大獎。
喺1972年推出嘅情慾電影《深喉》（Deep Throat），絕對係鹹片嘅經典之最，受惠於電影大受歡迎，原名Linda Susan Boreman嘅女主角Linda Lovelace同樣人氣急升，卻同時展現出佢悲劇嘅一生。出生於1949年1月10日嘅Linda，早年嚴格嘅家庭生活產生內向性格。喺20歲時Linda認識前夫Chuck Traynor，成為佢嘅搖錢樹同染上毒癮，又被迫做妓女及拍鹹片。其後佢哋喺一個狂歡派對中認識鹹片導演Gerard Damiano，對方根據Linda出色嘅口技度身訂造出經典情慾電影《深喉》。名成利就後嘅Linda卻繼續沉淪迂腐嘅生活，期間成為反色情運動嘅發言人。喺2002年4月22日，Linda因車禍傷重不治。
撰文：魂