記得以前讀書嘅時候，老師久唔久都會喺堂上播電影畀我哋睇，一來令課堂冇咁悶，二來又可以藉電影內容誘導我哋思考當中嘅主題，絕對好過單係睇課本學習。不過，最近美國就有位女教師唔知係咪想同班學生哥上性教育堂，居然喺堂上播放春宮片！呢間Forest Heights中學位於阿肯色州，話說當日女教師喺課室使用手提電腦向學生介紹課程時，唔小心開錯檔案，竟播放出激烈嘅性愛片段，而最令學生震驚嘅，係片中嘅女主角正係女教師本人！原來呢部春宮片係女教師同其未婚夫拍低做紀念。事件令班家長感到非常震怒，仲話學生睇完之後大感不安。咁又係嘅，以後都唔知當該女教師係四仔脫星定係Miss好，畀着我都會有困惑同不安啦！