政府拍攝宣傳片提醒僱主要「唯才是用」，明顯就有好多老闆並冇「唯才是用」。最近台灣東吳大學就做咗個調查，發現同是女大學生，但如果身高及體重唔同，其起薪點亦會有所不同。據調查指女大學生身高160cm、體重52kg，佢哋嘅平均起薪點大約28,213台幣，之但係，女生只得150cm高，起薪點就會調低1,367台幣，而高於170cm嘅女生，就會比平均數調高452台幣。此外，體重40kg以下，會比平均數少2,078台幣，而體重超過65kg會少平均數908台幣，但如果體重係45kg~50kg之內，咁可能高出平均數409台幣。雖然差額約為兩三百港元，但起薪點差人幾百蚊，以後就好難追平。有人對調查忿忿不平，但亦有人以平常心看待，只要對工作感興趣，就算差少少錢都無所謂喎！