模影模蹤：矢野目美有 與男齊齊射

嬌俏哨牙

一件事嘅好與壞，在於大家從邊個觀點、邊個角度去睇，就以AV女優為例，有人覺得叱咤風雲嘅AV天后Julia成熟咗少少，激凸嘅J-Cup又太過大，但係我就覺得成熟先有韻味，而大胸對我嚟講更加係不可或缺嘅重點，所以Julia一直都係我嘅至愛。至於水着妹矢野目美有，有人話佢唔夠靚女，但我就覺得，只係大家冇留意到佢嘅優點啫！今年22歲嘅美有，對眼又大又精靈，散發出調皮嘅氣息，雖然有少少哨牙，但佢都好識得藏拙，拍寫真唔會成日露齒，每次都扁起個嘴仔，流露出惹人憐愛嘅一面。身材方面，阿妹屬於纖巧型，手、腳、腰都相當纖幼，不過屁股尚算有肉，上圍仲有D-Cup，吸引力絕對唔差。

直播喪射

美有喺2012年開始拍寫真，不過由於唔習慣面對鏡頭，亦唔慣着三點式喺人面前搔首弄姿，所以初初做水着妹嘅時候，成日都因為怯場而令工作進展緩慢，更試過因為緊張而落淚。好彩，工作人員安慰佢，仲話佢羞澀嘅表現係一種賣點。過咗一段日子，阿妹終於適應，佢參加「Miss Young」選美比賽嘅時候，仲表現得非常自信添。雖然未能在選美大賽中獲獎，但就令佢人氣上升，後來仲獲得演出舞台劇《～房總學園期末考試～第一次的宇宙旅行》嘅機會，之後亦有繼續參與其他舞台劇演出。近期，美有就同班男仔搞埋一堆，唔係濫交，而係網絡電視Niconico有個打機節目，直播阿妹同班男機迷一齊玩射擊電子遊戲《Wolfenstein: The New Order》，畀大家欣賞佢哋點樣互相喪射喪叫。

個人博客

矢野目美有唔係成日更新博客，但係每次更新都會透露詳細最新動向，作為粉絲一定唔好錯過。

網址：http://ameblo.jp/leolar/

矢野目美有Profile

身高：5呎1吋

三圍：32D-22-33

撰文：賢