家陣好多行業都有課程進修，讀完之後拎住張證書，其他人就知道你有料到，好似入到診所，好多時就見到醫生將證書一一表起，部分醫生嘅證書多到好似貼牆紙一樣。之但係，若然踏入鳳樓見到囡囡居然有證書證明其「專業資格」，大家會唔會感到好驚訝呢？話說西班牙有個妓女專業課程，由當地一個叫做性愛專業協會嘅組織（The Sex Professionals Association）舉辦，簡稱Aprosex。呢個組織成立嘅目的係保障妓女嘅權益、社會地位以及團結業界。最近，Aprosex為咗令妓女們嘅服務態度同技術更加專業，以及更具安全意識，於是特別開設課程，更搵來犯罪心理學家、性愛治療專家以及已經從良嘅妓女做講師添！