自從Internet（互聯網）興起，I字往往同佢扯上關係，只係I字唔單止同理性及科技有關，同人性嘅根源亦即情慾有千絲萬縷嘅聯繫，一啲以I字為首嘅人物及事物，都可以令人聯想起一啲本能上嘅特質。
如果聽到個外籍女伴同你肉帛相見時，突然驚呼「Inchworm」，咪懶醒聽到個Worm（蠕蟲）字就以為佢畀條蟲嚇親，查實佢可能喺度笑緊你支兵器細咋！翻開字典Inchworm中文解作尺蠖，係飛蛾嘅幼蟲，驟耳聽落去以為毛毛蟲咪好可愛？咁就梗係唔係啦！由於毛毛蟲身體細小關係，引伸到男士兵器上，即係指佢好似毛蟲咁細條，就等於我哋廣東話中笑人哋係「牙籤」、「蕉仔」等一樣意思。
唔少男士都鍾意喺網上睇索女相，亦有唔少男士更鍾意喺網上識女仔，而揀選心水對象嘅先決條件梗係睇吓對方個樣，然後先至約出嚟啦！點知出到嚟至發覺對方個樣，竟然及唔上網上睇，我哋就稱呢種女仔做「Internet Beauty」，意思即係佢哋真人比唔上網上睇咁靚。其實家陣好多軟件同視像鏡頭，都可以令女仔睇起嚟更索同迷人，從而令到遇上Internet Beauty嘅機會大增。
如果叫你選出十套必睇四仔嘅話，唔知你會選邊套呢？美國唔少四仔網不約而同選出《I Dream of Jenna》，話佢係十套中必睇嘅作品。呢套由天后級脫星Jenna Jameson於2002年4月推出，並由其自編、自導加自演嘅作品，不但展現出其動感、野性、迷人同激情一面，最令四仔影評人讚賞嘅地方，更在於當中嘅故事極具喜劇風格，從而令四仔嘅觀賞性大大提升，除咗充分展現出呢位當年28歲嘅Jenna風華正茂嘅魅力，更表現出佢床戲之外嘅搞笑功力，因此不僅評為十套四仔迷必睇作品，而Jenna亦因此而跨到演藝生涯嘅o既巔峰！
資深四仔迷就算未聽過Ilona Staller呢個名，都一定會聽過Cicciolina個大名。呢位出生於1951年11月26日原名Ilona Staller嘅匈牙利裔意大利脫星之所以咁威，唔單止因為佢喺1973年主持深宵成人電台節目，憑住其溫柔甜美聲音而令男士幻想連連，並從此以藝名Cicciolina喺1975年演出成人電影《La liceale》、《L'ingenua》、《Inhibition》等，其後佢又涉足樂壇先後演唱電影歌曲，又於1977年推出同名大碟《Ilona Staller》。當然，最為人注目卻要數佢喺1987年參加意大利國會選舉，並且喺拉票活動中露出雙峰，最後佢以兩萬票成功獲得議席。Ilona Staller於任期內豪言願同當時伊拉克總統薩達姆曳曳，以避免海灣戰爭爆發。其出位言行兼多采多姿嘅生涯，實非一般脫星可比。
唔少AV迷都聽過日本著名片商IdeaPocket嘅大名，只係講到佢嘅歷史大家又知幾多呢？原本為日本成人製作企業北都集團旗下一個製作部門嘅IdeaPocket，從1998年起以製作單體女優作品為主嘅部門，並憑住「Angel」系列以清純可愛嘅女優而深得AV迷歡心。及至2002年，IdeaPocket脫離北都集團成為獨立公司，而從呢個時候起，佢嘅作品變得更為多元化。除咗固有人氣系列「Angel」外，仲推出以新人為題材嘅「First Impression」系列及以跳槽到IdeaPocket嘅AV女優而開設嘅「First IdeaPocket」系列，先後合作過嘅女優有原更紗、戀小夜、希志愛奈、Rio等。
夏目彩春係邊個？就咁講可能大家未必記得，若然講番佢以前個藝名原更紗嘅話，大家係咪即刻恍然大悟呢？呢位出生於1984年5月20日嘅AV女優，喺2007年憑住玲瓏浮凸嘅身材獲得「最美嘅女優」嘅讚譽。當時為日本著名AV片商IdeaPocket專屬女優嘅佢，曾推出唔少精彩騎乘作品，卻喺2011年12月推出單體作品後，竟大玩失蹤而令唔少AV迷大叫可惜。不過事隔年半，喺去年7月時佢突然為另一大廠Moodyz推出作品《あの大人気女優が復活》（那位超人氣女優復活了！），並改名為夏目彩春。箇中原因雖眾說紛紜，但呢位以腰震出名嘅女優能夠回歸AV界，令唔少AV迷拍掌叫好。
撰文：魂