成個廣東省夜生活死得七七八八，此次不獨是夜行中人遭逢冷鋒有得震無得瞓，相信連不少當局的相關分子，呢期對人對己都必然會揸到正，真係唔怕燒到自己嗰疊咩？所以，我身邊不少蒲開深圳、東莞的人士，幾唔信邪都好，都決定回流，重投香港或者澳門市場，例如鄧翁，近年無論係唱歌、飲酒、揼骨（不分正邪）早就一路向北，但今次亦無奈回歸本土，「唔同啦呢次，連班熟嘅囡囡都暫避風頭閃晒，畀你夠膽衝上去都無女敢做啦。」
鄧翁回流，卻不選澳門，只因玩慣大陸，馬交消費相對實在太貴云云，「呢幾年嗰邊又貴咗，飲一晚酒四、五千蚊埋單閒閒哋，都係咪搞囉。」可是他支持本土，卻不一定有好結果，話說早兩晚他跟朋友蒲上樓夜總會，但一樣係玩到一肚氣，「個人覺得囡囡質素肯定無上面咁好，唔知係咪蝦我年紀大呢，抽吓水啲女都左閃右避咁，幾無癮，最嚇人係埋單一啲都唔平，嗰晚我無帶女出去，但現場淨係場面都成二千蚊一個人，下次都係撳吓鐘仔、揼個骨好啦。」鄧翁唔熟本地架步，呢類Club收費又好少明碼實價，難怪呱呱嘈嘅。
撰文：黃韋龍