國際電影盛事奧斯卡金像獎將於3月2日舉行，至於國際四仔界盛事AVN Awards早前已經順利完成，各個獎項都塵埃落定，依家小弟就為大家報道當日頒獎典禮舉行嘅實況啦！
AVN Awards歷史悠久，由1984年開辦至今，已經成功舉辦到第31屆，絕對係最具公信力及最具地位嘅四仔頒獎典禮。之但係，唔知外國人係咪冇我哋香港人咁勤奮，呢壇國際四仔界盛事喺1月18日已經舉行完畢，但係最近佢哋先至公開現場照片以及賽果。不過，遲到好過冇到，家陣我哋一齊睇番當日嘅現場實況啦！AVN Awards當日喺賭城舉行，除咗係頒獎禮之外，亦集推廣情趣用品以及其他成人娛樂服務於一身，會場內充斥打扮火辣嘅推銷女郎，可謂春色無邊。而話明係四仔界盛事，又點少得一張紅地氈畀嘉賓進場，嘉賓包括頂級四仔脫星如Nikki Phoenix、Jenna Ivory、Amy Anderssen等等，絕對係星光熠熠。
眾多索爆脫星聯同各大四仔廠老闆進場之後，頒獎禮正式開始。喺頒發獎項之前，先由一班得過格林美音樂獎嘅歌手及組合輪流上台表演，包括Flo Rida、Baby Bash、Smash Mouth等，送上勁歌熱舞為大會展開序幕。之後，頒獎嘉賓們就宣讀及頒發各獎項得主，年度最佳表現獎得主就係德國妹Shyla Jennings；最佳脫星就由青春美麗嘅Remy LaCroix奪得；至於最佳重量級脫星就係April Flores；Tommy Pistol就贏得最佳男脫星。另外，出道一年多嘅Mia Malkova就叻女喇，除咗奪得最優秀新人獎之外，最佳全女班群戲場面亦有佢份，前途無限。而四仔猛片《Underworld》就囊括多個獎項，包括最佳四仔、最佳編劇、最佳封面設計等，認真威到盡！
撰文：賢