日前北京大雪紛飛，仍有三萬人不懼嚴寒排隊希望考入「中戲」，皆因中央戲劇學院係內地嘅明星搖籃，咁台灣方面嘅明星學府呢？相信非華岡藝校莫屬，而今日介紹嘅許睿瑜就係喺度畢業！
台灣嘅華岡藝校出過啲乜嘢明星？真係要抽少少篇幅介紹吓，大家比較熟悉嘅有林志穎、天心、大小S、楊丞琳等，可以話粒粒巨星，所以喺度畢業嘅學生，星運一般不弱，而許睿瑜帶着華岡嘅光環，加上本身卓越嘅條件，要殺入娛樂圈，可以話一點難度都冇。英文名字叫Rimmy嘅睿瑜，喜歡人哋叫佢嘅小名睿咩咩，佢話聽見人咁叫佢會分外親切。出道超過五年嘅睿咩咩，最早係黑澀會美眉成員之一，由於樣子可人，所以特別矚目，經常跑出嚟做私拍模特兒。睿咩咩上圍唔算火爆，只得32吋，但因為D級關係，加上薄身，所以性感照片效果噴血度極高。
除咗做模特兒，睿咩咩仲會做吓騷女郎，台灣當地嘅大小車展或動漫展，都會見到佢嘅身影，特別係做動漫代言時，睿咩咩着上性感嘅Cosplay制服，配合埋佢嘅完美身材，真係令不少宅男傾心，所以人氣不斷上升，仲有段日子被封為「新一代宅男女神」添！後嚟組合解散，佢就亮相其他綜藝節目，由於睿咩咩能言善辯，令節目效果大增，但有次因為講得太激，引起好多人投訴，最後要跳河謝罪，但工作量並冇因為失言而減少，反而令更多朋友認識睿咩咩係一個敢作敢為，勇於承擔嘅人，所以近年爆紅絕對有佢嘅原因！
出生地：台灣
三圍：32D-23-33
身高：165cm
簡介：網上許睿瑜嘅照片專頁有好多，但多數都只貼得幾輯照片，而且仲係好多年前添！以下一個就不停更新，連私人自拍照都有，值得上去睇吓！
網址：www.facebook.com/look.Rimmy#!/look.Rimmy
撰文：龍四海