巴打些牙:剝光豬跳笨豬

上星期情人節,大家點樣同情人慶祝呢?去高級酒店食燭光晚餐?定係兩口子喺屋企煮心形牛扒撐枱腳呢?不過,小弟覺得以上統統都唔夠特別,唔能夠為情人留下深刻印象。明年情人節大家不妨學吓呢班外國人咁,剝光豬玩笨豬跳啦!話說上星期情人節當日,喺拉脫維亞希古達一個結咗冰嘅湖面上面,有18對情侶冒住嚴寒齊齊剝光豬,然後雙雙攬實由高處跳落去,佢哋話咁做以示同愛人融為一體,同生共死喎!真係夠晒浪漫兼淒美呀!

撰文:賢