以前大家想聽歌，未必需要一部收音機，又或MP3機，只要去到歌廳或酒廊，就可以聽到歌手現場獻唱。不過，家陣喺香港呢一類酒廊雖然仲有唔少，但獻唱嘅歌手可能已經上咗年紀，未必適合大眾口味。然而，喺日本不少酒廊仍有好多後生美少女載歌載舞，兼且做埋女侍應，水着妹中村葵就係其中一位喇。
喺香港，電視台嘅深夜節目其實都幾單調，好多都係重播嘅劇集，相反日本就唔同，深夜時段有好多娛樂性豐富嘅綜藝節目，除咗熱熱鬧鬧，仲有火辣美女做嘉賓，玩埋啲極具挑逗性嘅遊戲。呢班火辣美女好多時都係AV女優，亦有水着妹，中村葵就係深宵節目嘅常客喇。27歲嘅中村葵氣質綺麗清雅，雙眼唔算大，但係夠神采，所以電力十足，迷住男人話咁易。有人就話葵妹棚牙有問題，但係我就覺得佢雖然有少少哨牙，但係唔嚴重，而笑起上嚟仲相當可愛添。接受唔到？冇問題，葵妹身材一流，身高5呎7吋嘅佢屬於八頭身美人，即係頭同身體嘅長度比例為一比八，睇落高挑誘人，加埋胸前嘅F奶同長腿，真係弗到啪啪聲，相信冇人會唔鍾意啩！
中村葵出道十年，當初佢係賽車女郎，後來參加美容產品舉行嘅「Queen's Image Gal」選美比賽而成名，不過活躍範圍只局限於家鄉大阪。到2011年，葵妹憑住參加選美活動「日本Telegenic2011」而跳出大阪，去到東京發展，並因甜美笑容以及一等一嘅好身材而成為演員。雖然阿妹形象咁健康，但佢參與嘅綜藝節目就剛好相反，多數都係深夜節目，好似《夜遊三姊妹》、《半夜的笨蛋吵鬧！》以及《東京炸藥極好的TV》等等一類介紹夜蒲活動嘅節目。另一方面，葵妹除咗做節目以及繼續做賽車女郎，仲係專門請來藝能界偶像客串做職員同表演嘉賓嘅酒廊食店Coconuts Lounge Tokyo嘅職員話事人，班食客真係有福喇！
中村葵除咗會喺博客發表最新個人生活狀況，仲會詳述自己參與嘅公開活動，想知道阿妹佢將會去邊度表演或舉辦簽名會，不妨多留意其博客。
網址：http://ameblo.jp/aoi-nakamura/
年齡：27歲
身高：5呎7吋
三圍：36F-23-35
撰文：賢