湖南有條仿古商業街，為咗刺激人流，早前搵嚟5個模特兒打扮成女財神作招徠，取其五路財神之意，而其中一位女財神更以低胸示人，吸引唔少記者同途人影相。之但係，有網友就勁彈呢位低胸女財神嘅上圍唔夠豐滿，完全撐唔起套衫，一啲睇頭都冇，連半條事業線都睇唔到，極度令人失望咁話！咁都未算，網友仲話更失望嘅係其餘四位女財神，樣又唔靚，又冇身材，唔好話做女財神，連做婢女角色嘅資格都冇，可謂劣評如潮。所以奉勸內地啲景點一係唔好搞活動，要搞就認真一啲，咪慳嗰少少錢，搞埋啲山寨版出嚟，唔湯唔水咁樣，盞失禮死人呀！
撰文：小德