做人邊個唔想瓣瓣掂吖！都要你有時間、精神投入先得。Brandy Brewer早就立志做一位出色藝人，可惜衰貪心，既想唱歌又恨跳舞，結果要做脫模先可以一次過滿足慾望！
唔係每個人都會一帆風順，英國索妹Brandy Brewer，早喺2007年加入模特兒界，希望行Catwalk走捷徑加入娛樂圈，之不過阿妹都未有明確目標，就心多多去學人唱歌跳舞，呢瓣都未做熟，嗰邊又做得唔好，結果咪輸得一敗塗地囉！但阿妹輸得起嘅係青春，到08年，佢睇報紙時發現Page 3 Girl極受男士關注，為咗要火速上位，竟然諗都唔諗就去參加選拔賽，雖然最終都冇勝出，但憑住白滑波哋，32DD堅挺上圍，從此無人唔識佢！
當比賽一過，Brandy妹食住個勢，即接受curvedfx.com邀請做裸模，全職晒兩球，再接住登Zoo、Nuts等男士雜誌封面，炒熱人氣！
Brandy嘅人氣升得火箭咁快，不停替各大唯美網站拍裸照，而鏡頭前更愈來愈大膽，野外露出，戀物制服及出浴自摸騷統統都難佢唔倒，但阿妹堅持絕不全裸或做床上脫星拍四仔，由此吸引到成人收費網台拉佢做節目主持，節目內阿妹跟觀眾談情說性，吹到起喺鏡頭前自摸一鋪都唔介意添！同年阿妹又染指足球界，Brandy解釋從小到大都鍾意睇男人踢波，最愛球隊係車路士，為咗可親近球隊，不惜參加當地Soccer Babe選舉，仲贏埋Miss UK Football Finder 2010，好架勢堂呀！
自從成為全職裸模後，Brandy至發覺呢行最適合自己，既沒有埋沒天賦身材，又可以滿足個人慾望，直到舊年頭阿妹仲學人夾Band做主音，佢承認目前玩音樂係玩票性質，若然外界反應好，先至會瞓身投入。Brandy歌影視都撈齊晒，唔知下鋪又可以做乜好呢？
出生日期：1989年10月6日
三圍：32DD-24-35
身高：5呎2吋
簡介：雖則Brandy喺模界打滾多年，但官網都係開咗冇耐，或者係無時間打理啦，好在佢將所有連結放喺站內，好似佢做車模、拍寫真甚至Youtube頻道，各位可以分門別類選擇欣賞佢嘅演出，總好過大海撈針四圍搵吖！
網址：www.brandybrewer.co.uk/
撰文：祖