美國有間時裝公司，喺情人節前夕，推出全新女裝系列，照計櫥窗公仔應換上新服飾，但時裝公司竟然將佢哋以內衣示人，而且仲露出乳頭同濃密毛髮。紐約嘅街坊見到，有人讚佢哋有創意兼推動女權運動，但亦有人彈佢哋設計低俗，侮辱女性，兩方面愈吵愈激烈，最後公司負責人出嚟解釋，話呢個設計係希望以自然美挑起話題，讓人欣賞女性胴體嘅美感。其實呢間時裝公司都唔係第一次搞啲出位踩界嘢，之前搵嚟未成年少女拍半裸寫真，又推出過月事圖像T恤，每一單都非常出位，亦因此而被檢控，但佢哋一於唔理咁多，繼續踩界。有網友話如果佢哋真係推崇自然，咁啲櫥窗公仔除咗有濃密毛髮外，應該有埋腋毛，咁先至夠自然美喎！