宅男天地：火辣夾胸少女

日本人氣電玩《閃亂神樂~少女們的真影~》憑住一眾性感美少女，贏得極高人氣後，隨即被動畫化兼推出相關模型，而且長出長有，好似最新登場嘅就係飛鳥。電玩中嘅飛鳥身材火辣，今次模型師更將佢嘅上圍加大碼，仲嚟個夾胸動作，營造出波濤洶湧嘅效果，極具睇頭，而深深嘅乳溝更係非常誘人。除咗上身吸引之外，下身着上性感泳褲，露出大半個美股，配合埋一對黑絲美腿，性感度爆晒燈，絕對係必入手嘅作品！