覺得開心盡興，香港人就會用「過癮」嚟形容，內地同台灣人就會用「爽歪歪」。而用爽歪歪嚟形容日本人氣巨乳水着妹筧美和子亦甚為貼切，除咗因為阿妹身材激凸惹火，令男人睇得過癮，仲因為佢成日畀人取笑有嘴歪問題，特別係佢笑起上嚟時候特別嚴重。
小弟我成日都話日本靚女特別多，以水着妹為例，佢哋唔單只美貌與身材並重，更難得嘅係平均質素相當高，當中有好多更令人有驚為天人之感，帶畀大家強烈視覺震撼。已為人母嘅星野亞希當年就令人驚艷，至於今時今日小弟就推介筧美和子，讓大家震驚一番。今年19歲嘅美和子青春嫩口，一臉天真稚氣，簡直猶如一道純潔清泉，加埋甜絲絲嘅天真笑容，令男人一望即覺心曠神怡。如此純真嘅美人兒，固然令我哋大感清新暢快，頸項以下嘅一副無敵鮮嫩胴體更令你震撼！身高5呎6吋嘅美和子身材高得嚟豐滿，皮膚白嫩到極，真係好似美容產品廣告所提及嘅剝殼雞蛋一樣，阿妹心口嘅一對35H美巨乳就如一對鴕鳥蛋掛於胸前，大家係咪睇到流晒口水呢？
據聞筧美和子讀高中時候，就顯露出清純迷人氣質以及一等一嘅豐滿身材，所以當年佢同朋友仔去睇時裝表演嘅時候，就畀星探發現並以優厚條件將佢帶入藝能界。由於美和子拍寫真嘅時候表現自然，性感得嚟又夠健康，所以唔單只男人，連女人都對佢充滿好感，成功令人氣與日俱增。上年9月更爭取到於日本職業棒球聯賽，為主場隊伍嘅北海道日本火腿隊擔任開球禮嘉賓嘅機會，可見民眾對佢嘅認同感有幾高。除咗拍寫真以及出席公開活動，美和子仲漸漸受到賞識，拍下電影《失匙殺手》，而今年2月啟播嘅《最高之離婚Special 2014》亦可以見到阿妹擔任一角。不過，人紅自然惹人唔抵得，有人就話美和子靚女就靚女喇，不過嘴仔有啲歪，特別係笑起上嚟嘅時候更加歪得緊要，另外亦有人話阿妹佢腋下太黑令人反胃添。好在美和子冇因為咁而情緒低落，反而勤力做口部運動以助矯正，家陣嘴仔已經冇咁歪喇。
後生仔後生女都鍾意將生活瑣碎事於博客發布，筧美和子咁後生當然亦唔例外啦！所以大家Click入去就可以見到阿妹去玩去食，又或者得閒喺屋企百無聊賴嘅近況。
網址：http://ameblo.jp/kakei-miwako/
年齡：19歲
身高：5呎6吋
三圍：35H-24-32
撰文：賢