嚟緊3月同4月係奧斯卡頒獎典禮，以及香港電影金像獎舉行嘅日子，到時就知道各個獎項花落誰家。除咗呢兩個電影界盛事，日本AV界同樣都有頒獎禮舉行，就係DMM成人獎2014喇！
為彰顯日本AV廠以及女優們為業界作出嘅貢獻，所以10年前就舉行Sky PerfecTV!成人放送大獎，為各個出心出力嘅AV女優以及AV廠頒發獎項以作獎勵，至今已成為日本AV界嘅盛事以及指標性頒獎禮。不過，最近有一個新頒獎禮似乎要挑戰其地位喎！邊個咁大膽？咪就係日本AV界龍頭集團北都旗下嘅DMM囉！DMM乃係最大型嘅日本AV銷售網站，近日宣布將於4月24日舉行「DMM成人獎2014」。據聞DMM咁做除咗為出名，唔畀Sky PerfecTV!獨大之外，仲係為咗增加銷售額，皆因佢希望公布完得獎名單之後，可以令得獎AV作品銷量上升。
至於DMM成人獎將會頒發6個獎項，分別係最優秀女優賞、最優秀新人賞、最優秀作品賞、最活躍女優特別賞、最具話題性女優賞，以及由業內人士選出嘅特別推薦者賞。分為公開網上投票以及頒獎禮舉行當日現場投票，選出各個獎項嘅得主，到時就知道邊個女優可以成為眾望所歸嘅業界第一女優喇！網上投票於3月3日開始進行，到時大家可以Click上http://www.dmm.co.jp/adultaward/投下神聖一票。另一方面，各個獎項現時只公布部分入圍名單，到2月14日就會再公布另一部分，大家要密切留意喇！
撰文：賢