每個人一生當中都會遇上挫折，而事後多少總會為身心留下傷痕。面對呢道印記，好多人都會有不快回憶，但係亦有人會將佢當作一種紀念以及警愓，推動自己更加發憤，曾被譽為「日本第一臀美人」嘅渡邊萬美，就係因為臀部嘅傷痕而努力向上喇！
新年佳節小弟四出拜年逗利是，好多親友除咗叫我快啲拉埋天窗之外，仲勸我減肥，最好就係少食肉多食菜。老實講，小弟一生愛肉，但係為咗減肥溝女，小弟只好忍口，但係睇肉習慣就絕對不能改，因為豐滿嘅肉感美人係最誘惑。大家都係咁諗咩？既然閣下乃係同道中人，在此就為大家隆重推介渡邊萬美，呢位極品爆乳水着妹畀大家認識一下啦！今年24歲嘅渡邊萬美俏麗又具萌味，認真青春可愛，佢可愛嘅氣質當中卻又夾雜住一股妖媚感覺，原因可能同佢個樣有少少似混血兒有關。據阿妹透露，自己乃係純正日本人，絕無其他血統。我就覺得阿妹可能唔太清楚自己嘅家族史喇，因為見到佢呢副38-24-35嘅胴體以及G-Cup巨型爆乳，仲有一個又圓又翹嘅優美臀部，相信好多人都覺得佢似巴西或者係俄國女仔，同樣咁有肉地，如果阿妹做基因測試可能有驚人嘅身世大發現喎。
喺2007年，即係萬美仲係就讀高中三年級嘅時候，已經擁有如此豐滿嘅激凸身材，所以就膽粗粗參加一間T字頭國際內衣品牌喺日本舉辦嘅臀部選美大賽。由於萬美個美臀又大又圓又好睇，所以成功從112名參賽者中突圍而出，贏得「日本第一臀美人」嘅稱號，仲得到去德國慕尼黑參加同一單位主辦嘅國際臀部選美大賽機會。可惜，萬美喺一次去髮型屋理髮嘅時候，唔小心坐咗落一把燙髮器上面，搞到臀部燙傷並留咗疤痕，令佢參加國際賽時敗北，阿妹一度心情低落。呢個時候，幸好有藝能事務所嘅社長野田先生鼓勵，仲保證佢加入藝能界之後有演出機會，遂令萬美精神恢復過嚟。後來野田又真係牙齒當金使，幫萬美搵到演出電視劇集《明天的喜多善男？世界第一不幸的男人的，奇迹的11天》嘅機會，呢道傷痕認真令阿妹又愛又恨。另外，呢道傷痕令萬美決心唔再賣弄其身材，有意改向歌唱界發展，幸好仲未成事，否則再難見到阿妹呢副咁肉感嘅胴體喇。
年齡：24歲
身高：5呎5吋
三圍：38G-24-35
渡邊萬美經常將自己嘅工作相關消息於博客發表，如果大家想知道佢最近忙乜，又或者會去邊處登台演出，長期追住佢個博客就冇走雞嘞。
網址：http://ameblo.jp/bambikaho0915/
撰文：賢