早前施政報告出爐，重點係援助低下階層。不過，中產階層就話自己未能受惠兼被忽視，因而大感失望又傷心。小弟就覺得追求更舒適生活都係靠自己努力搵錢，而且應該抱住活在當下嘅心態生活，一時滿足於現狀都唔錯，至少性生活能得到滿足，真係？邊個講嘅？最近西班牙公眾健康部門進行一項研究，發現中產階層嘅女性性生活最為滿足，原因係佢哋財政獨立，財政富裕仲可以令佢哋有更多時間享受性生活，溝仔更加可以採取主動，更重要嘅係可以隨個人意向選擇伴侶，遇到感情或性生活問題亦會主動尋求專業意見解決，而伴侶知道中產女性能力甚高，亦鮮有向佢哋作粗暴或不禮貌對待，咁睇法中產女性不但有性福，仲好幸福添喎！