網上的夜遊討論區除了成為一眾兄弟們交流玩樂心得的一個平台，也很多人由網絡的虛擬世界開始，進而在現實成為了朋友，除了平常出來飲茶灌水，其實更多情況是聯群結隊北上耍樂，為甚麼明明香港、澳門都有得玩，偏偏這類夜蒲群組多數都以大陸作為目的地？「好簡單，香港、澳門咁方便，使乜組團呀？大陸唔同喎，你幾熟都好，都玩唔晒，有時喺網上分享完，自然有人會問路、問消費，搞吓搞吓就下次一齊去，大家有個伴吖嘛！」同事參加過不少這類網上活動，算是個用家了。
不過一方面是有伴成行，但一方面也很多是非，「人多就係咁，尤其是涉及錢添！你知啦，依家好多人搞團，做搞手嗰啲，多多少少都會執啲，我知道有啲活躍搞手，一個月三幾團已經執成萬蚊，咁當然唔係好多啦，但自己玩埋一份，加上有客喺手，間場又會再畀多啲着數，都幾爽。」多是非的原因都離不開罵團長食水深、貨不對辦之類的題目，「其實我覺得，出得嚟玩就預咗畀你賺，但有啲團長硬係鍾意搞到鬼鬼祟祟，光明正大賺你，事前公開條數咪無咁多拗撬囉。」
撰文：黃韋龍