喺日本年滿20歲先至係成人，為隆重其事，每年市政府都會舉行成人禮。而最近就有日本AV女優同班年輕人進行「性」人禮，教授佢哋性愛知識。
早前，日本一間T字頭嘅情趣用品品牌舉行名為「日本性人禮2014」活動，當日邀請咗100名年輕男女參與，仲請到性經驗豐富嘅AV男優同女優，以及性愛專家擔任嘉賓，為呢班「準性人」教授性愛知識。出席嘅AV女優有琥珀詩及範田紗紗，男優則有聲稱同過7,000名女性有親密接觸嘅清水健，及AV監督兼有「AV界之革命家」之稱嘅二村仁。另外，仲有情色小說作家桃子OL，以及風俗孃講師水嶋清水香里都有份參與。
該活動於東京都杉並區嘅表演場地阿佐谷Loft A舉行，一眾嘉賓輪流向班參加者大談性經。一開場AV監督二村仁就表示，自己由20歲開始做愛，到家陣已經有30年性經驗，次數達1,500次以上，但係現時佢仲有好多事情唔了解，希望大家同佢一樣抱學海無涯、惟勤是岸嘅態度探索性事。之後，琥珀詩、範田紗紗以及水嶋清水香里就講述各種性愛技巧，而二村仁就插嘴話琥珀詩係當今AV界數一數二嘅潮吹女優，仲話詩妹嘅潮吹曾經射濕窗簾，甚至幾乎整壞攝錄機，佢笑言有詩妹在場，唔需要滅火筒喎！另外，清水健親自示範口舌技巧。最後，嘉賓同參加者一齊享用大會特設嘅水魚火鍋，嘩！咁補身，唔通真係要班參加者食完即刻去實習一番？
撰文：賢