內地好多省份嘅女孩子，一心想喺模特兒圈發展嘅話，都會湧去北京尋找機會，但有一位喺北京土生土長嘅美女，竟然放棄最多機會嘅老家，南下上海碰運氣，呢位咁有特別想法嘅小女生，就係陳大榕！
嚟自北京嘅陳大榕，一個好普通嘅名字，但亦因為普通，所以畀人親切嘅感覺，亦令佢深得網友同粉絲嘅喜愛。大榕出道兩年多，人氣不斷上升，特別有幾輯性感寫真，更令網友們瘋傳，有網友更喻佢為2014年度新性感偶像。大榕得知當然開心，但就話自己以平常心面對。老家喺北京嘅大榕，家陣喺上海發展，最主要原因就係佢喺合肥工業大學讀書，讀書期間接觸模特兒工作，起初只係客串性質，但反應愈嚟愈好，現時開始全力發展。據講佢嘅微博關注人數，由之前幾百人，經過一輯性感照片後，喺短短日子之間，就巳經衝破五萬大關，可見其人氣之盛！
踏入2014年，大榕嘅模特兒工作，可以話一浪接一浪，聽講正有車廠聯絡佢，睇嚟春節後嘅大型車展，就可能會見到佢嘅身影出現。另外，有電視綜藝節目，亦向緊佢招手，至於接唔接嚟做，真係要睇大榕嘅時間同決心，睇佢想逐步嚟定恃旺一步登天？講真大榕雖然高頭大馬，但沒有東北囡囡嘅霸氣，以氣質而論，反而有江南女子嘅風味，見佢楚楚可憐，小家碧玉嘅樣子，就更令人討好，留喺上海發展真係最好不過。當然，由於大榕入行時間尚淺，有好多技巧都尚欠磨練，我們不妨畀多啲時間佢，相信假以時日，大榕一定會成為模特兒界嘅超級巨星！
簡介：陳大榕嘅微博內，除工作寫真外，仲收錄咗好多私拍照，當中不乏性感照片，例如拍攝前化妝同換衫嘅花絮，係咪好值得大家瀏覽呢！
網址：http://weibo.com/u/2263636341
出生地：北京
三圍：33-23-34
身高：170cm
撰文：龍四海