安全套除咗用嚟避孕以及預防性病傳染之外，電影界仲用國產安全套裝住人造血漿，當演員拍攝受傷場面嘅時候，就會擠壓手中嘅安全套，造成噴血效果。之但係，喺南非竟然有人用安全套嚟醫治關節炎喎！話說南非有好多老人家誤信傳言，將安全套套上腳趾以及手指，認為安全套內含嘅潤滑成分對關節炎有改善功效喎。最近南非約翰內斯堡健康中心部長Aaron Motsoaledi就向當地民眾表示，安全套係唔可以治療關節炎，根本冇科學根據，更重要嘅係愛滋病喺南非屬嚴重問題，而安全套亦係珍貴並且有效嘅預防愛滋病資源，所以部長叫當地人市民勿對安全套有誤解。