每次提起D字頭嘅英文，總會同開心嘅感覺連繫上，好似Delicious（美味）、Deluxe（華麗）、Delight（愉快）等。其實喺情慾字典中，唔少情色詞語亦跟佢有千絲萬縷關係，睇得多啲，知識同興奮度亦會多一啲！
Dendrophilia解作戀樹癖，係特殊性癖嘅一種。有呢種癖好嘅人會對樹木產生性衝動，並喺同樹木嘅交鋒中得到高潮。咪以為呢種奇特嘅性癖唔會存在，事關現實中真係有呢種癖好嘅人！喺2009年9月，英國蘇格蘭北拉納克郡一個公園就有一名21歲男子，被人發現佢除咗褲並正同一棵樹曳曳，最後被人控以公眾猥褻罪，而懲罰則係終身唔可以踏入呢個公園。
相信唔會有人唔知Doggy Style係乜嘢，事關佢學名叫後進式，廣東俗語則叫做推車仔或狗仔式，係性愛體位嘅一種。有調查指呢種體位係除咗男上女下同騎乘以外，另一種最受歡迎嘅交歡體位。除咗呢種體位可以充分刺激女性嘅陰蒂外，唔少醫生亦建議懷孕婦女應採用呢種體位，以減少壓迫腹部嘅機會，從而令到性愛過程更加順利同安全。
日本嘅AV片商有好多，只係主打凌辱嘅片商就要數呢間創辦於2001年，並以東京為根據地嘅Dogma。主要推出單體女優作品嘅Dogma，相關系列分別有拘束椅子、巨乳拘束、肉便器等，一睇都知道玩嘅不但係凌辱，仲要係重口味題材。Dogma曾經拍攝過嘅人氣女優亦相當多，好似七咲楓花、大塚咲、櫻井風花、大澤佑香，同近排紅遍中、港、台嘅水菜麗等都喺呢間公司推出作品。
網址：www.dogma.co.jp/
如果未聽過美國四仔片商Digital Playground名字嘅話，絕對唔可以自稱四仔迷！事關呢間位於美國加州，由著名四仔導演Joone喺1993年成立嘅公司，從起初只係翻製成人電子遊戲，到家陣嘅四仔王國，並喺2006年被譽為美國五大四仔片商之一，足見佢嘅實力非凡。早喺2005年開始拍攝Blu-ray高清四仔嘅佢作品題材夠多，專屬人氣脫星亦陣容鼎盛，Jesse Jane、Kayden Kross、Selena Rose、Riley Steele等均為其旗下猛將。
網址：www.digitalplayground.com/
美國「色情電影嘅黃金年代」湧現唔少經典情慾女星，而當中就有呢位Desireé Cousteau。喺1955年1月出生嘅佢，1974年演出處女作為主流電影《Women In Prison》，反應只係一般。到咗1979年演出經典色情喜劇電影《Pretty Peaches》，終於令佢一舉成名。故事講述佢喺一次車禍後患上健忘症，卻因此對生活無憂無慮，並同兩名男士發展情慾關係。
講到絕對經典嘅美國情色電影，唔可以唔提拍於1972年嘅《Deep Throat》（深喉）。由Gerard Damiano自編自導，並由性感女星Linda Lovelace演出嘅經典作品，講述Linda由於無法得到性高潮於是尋醫，醫生發覺原來佢嘅性感帶位於喉嚨，便教佢以吹奏技巧嚟得到性高潮。作品推出後，掀起美國電影界嘅情色風潮，大量情慾作品湧現，更稱70至80年代為「色情電影嘅黃金年代」（Golden Age of Porn）。
撰文：魂