為咗令交歡嘅時候得到更貼身嘅享受，好多男人都唔鍾意用安全套，而佢哋仲大條道理話咁做係唔想製造更多塑膠垃圾，乃係支持環保喎！不過，美國方面就絕對唔贊成呢種說法，話使用安全套先可以保護環境，仲可以保護瀕危動物添！早前，位於美國亞利桑那州嘅生物多樣性中心，就向美國50個州份嘅成年人派發25,000個安全套，包裝盒上印有保護瀕危動物嘅圖案及語句。中心謂有調查顯示美國有一半嘅懷孕個案來自意外，每日全球約有20萬人因為意外懷孕而出生，大大加速全球人口增加嘅速度，間接加快地球資源消耗以及土地開發，令瀕危動物情況更加嚴峻。故此，中心派發安全套畀市民，呼籲佢哋多用套嚟減低意外懷孕機會。