臨別秋波，好多人都會做啲激烈行為作為紀念，小弟就讀中五，最後一日返學嘅時候就試過當住老師面前撕爛所有書本同習作簿。而日本年輕女演員夏菜為紀念自己作最後一次性感演出，就決定喺最新嘅寫真集當中玩盡佢。24歲嘅夏菜讀初中嘅時候被藝能事務所睇中，帶佢入藝能界，初次演出嘅電影就係《只想告訴你》。可惜之後無以為繼，搞到要去服飾店做銷售員維持生計。幸好，夏菜守得雲開，後來又有人搵佢拍劇，上年仲擔正做電視劇《純與愛》嘅女主角添。夏菜最近就推出新寫真集《The Gravure》，當中夏菜會大騷驕人身材，睇個封面都知道夏菜絕不介意大晒其豐滿E奶。此外，夏菜仲會大玩泳衣切割，即係用剪刀將泳裝一塊一塊剪開，帶出無窮神秘誘惑。不過，夏菜就表示今次玩得咁盡，原因呢次係最後一次性感演出，之後就會封起身材，專心拍戲。