踏入新一年，日本AV界就傳來一個退役消息，不過唔係女優，而係一架曾經為AV迷帶來無限驚喜嘅貨車，佢就係由SOD開發、專門用嚟做野戰場地嘅哈哈鏡一號喇！
日本AV廠SOD一直以來都製作唔少甚有睇頭嘅系列作品，例如《超高級陪浴孃》、《性交覺醒》、《中出解禁》等，令大家盡享眼福。不過，有一個人氣系列將會停產，就係《哈哈鏡一號》。呢個系列有一架同名貨車，經過悉心改裝之後，車身由單面玻璃組成，車廂入面可以睇到外面，但出面就睇唔到入面，變成一個獨特嘅性戰場地！呢架哈哈鏡一號駛到公眾地方，如公園、大街等，然後由男優或女優主動色誘途人上車進行激戰，營造出好似喺公眾地方拍AV嘅刺激感！
《哈哈鏡一號》系列玩法咁激，於2007年推出首部作品嘅時候，迅即為AV迷同AV界帶來前所未有嘅震撼。後來，SOD將呢架車交到子公司Deep's繼續運作拍片。之不過，呢架戰績輝煌、引誘唔少素人男女玩車震嘅哈哈鏡一號，唔知係咪震得多，最近經過驗車之後，驗出機件老化，要永久停用。可能有人會話，買架新車咪得囉！之但係，Deep's暫時未有決定買新車代替，意味住《哈哈鏡一號》系列將會停產。有消息指出，哈哈鏡一號由購買到改裝花咗4,000萬日圓，運作咗3年才達到收支平衡，但係近期推出嘅作品則銷量一般，加埋油費昂貴，故此相信Deep's唔會再投資買新車，令《哈哈鏡一號》系列變成歷史作品。
撰文：賢