一般嚟講，一男一女互相傾慕，繼而拍拖，拍得咁上下感情昇華到另一個更高層次先會上床。而做愛呢種親密行為，的確係要有深厚感情基礎至會做，好多男人就認為喺做愛期間又或者做愛之後同伴侶說出綿綿情話，可以加深彼此關係，不過有研究就唔係咁睇！美國康乃狄克州大學一個研究發現，男女交歡嘅時候，腦內會因為快感而分泌出睾丸酮素呢種性激素。之不過，睾丸酮素嘅含量上升就會抑制住一種叫催產素嘅賀爾蒙分泌，而催產素係一種令人感受到被愛嘅激素，故又稱為「愛情激素」。研究指出想同伴侶有更深感情交流，做愛非好方法，反而大家嚟個「枕頭講」，即係齊齊瞓喺床上傾心事，令雙方增加催產素分泌，彼此更加信任對方，呢個時候講句「我愛你」肯定更加冧！